Iyi serivisi ifasha abarokotse Jenoside yakorewe Abatutsi mu 1994 batishoboye kwiyandikisha no kubona nomero iranga umugenerwabikorwa wa MINUBUMWE. Iyi serivisi itangwa na Minisiteri y’ubumwe n’inshingano mboneragihugu (MINIBUMWE).
Iyi dosiye itunganywa mu iminsi 5 kandi ntiyishyurwa.
Ibikenewe:
Usaba agomba kuba afite konti y’irembo cyangwa akegera umu ajenti w’Irembo umwegereye.
Kanda hano umenye uko wafungura konti y’Irembo.
Usaba agomba kuba afite nimero ya telefoni ikora.
Ugomba kuba ufite raporo yashyizweho umukono na komite y’Akagari.
Imigereka isabwa
Raporo yashyizweho umukono na komite y’akagari
Ifishi isaba PIN yashyizweho umukono n’Umunyamabanga Nshingwabikorwa w’Akagari (ES) ndetse na komite ya IBUKA ku rwego rw'Akagari
Raporo y’Inama Rusange y’Abarokotse ku rwego rw’Akagari, yashyizweho umukono na Komite hamwe n’Umunyamabanga Nshingwabikorwa w’Akagari (ES), iri kumwe n’urutonde rw’abitabiriye inama rwasinywe n'abitabiriye inama bose/inteko.
Inyandiko yo koherezwa ku bitaro (mu gihe ihari)
Kurikiza izi ntambwe zoroshye ubashe gusaba iyi serivisi
Sura urubuga rw’Irembo kuri www.irembo.gov.rw .winjire muri konti yawe kanda ku “Gusaba nomero iranga utishoboye warokotse Jenoside yakorewe Abatutsi mu 1994”.
Kanda “Saba” ubashe gutangira dosiye.
Uzuza nomero y’indangamuntu y’usaba. Amakuru ye arahita agaragara iburyo bwa paji.
Uzuza amakuru y’aho warokokeye Jenoside yakorewe Abatutsi mu 1994.
Ongeraho imigereka isabwa, hanyuma ukande “Ibikurikira”.
Reba ko amakuru yose yatanzwe ariyo cyangwa uyakosore, nyuma ukande kuri “Emeza”.
Dosiye nirangiza koherezwa, urahita uhabwa nimero ya dosiye(B2…), ushobora kwifashisha mu gukuramo cyemezo nyuma y’uko yemejwe.