Ohereza itike
Velkominn
Innskráning

Uko wasaba inyandiko yo kwemera umwana wabyawe n'ababyeyi batashyingiranwe

Iyi serivisi yemerera abantu gusaba inyandiko yo kwemera umwana wabyawe n'ababyeyi batashyingiranwe. Ababyeyi bamaze kwiyandikishaho umwana wabo mu buyobozi bw’ibanze ni bo bemerewe gusaba iyi serivisi. Iyo abasaba bataremeza umwana, basabwa kujya mu murenge batuyemo kugira ngo bandikishe umwana wabo. Dosiye yoherezwa umukozi ushinzwe irangamimerere ku murenge aho umwana yabarujwe. Serivisi itangwa na Minisiteri y’ubutegetsi bw’igihugu (MINALOC).

Kunoza serivisi bitwara umunsi 1 w’akazi, igiciro ni 1,500 Frw.

Ibikenewe:

  • Usaba agomba kwinjira muri konti ya IremboGov. Kanda hano umenye uko wafungura konti kuri IremboGov cyangwa wegere umu ejenti wa IremboGov uri hafi yawe.

  • Umunyarwanda agomba kuba afite nomero y’indangamuntu cyangwa nomero ya pasiporo ku munyamahanga.

  • Usaba agomba kuba afite nomero y’ifishi y’umwenegihugu.

  • Usaba agomba kuba afite telefone cyangwa imeyili bikora.

  • Imigereka isabwa ni:

-Kopi y’urukiko y’inyandiko yo kwemera umwana (imiterere: PDF)

-Kopi y’indangamuntu y’ababyeyi bombi (imitere: JPG/PNG)


Kurikiza izi ntambwe zoroshye ubashe gusaba inyandiko yo kwemera umwana wabyawe n'ababyeyi batashyingiranwe:

  1. Gana www.irembo.gov.rw ukande kuri Kwinjira maze usabe iyi serivisi.

  1. Ahanditse Umuryango, kanda kuri Inyandiko yo kwemera umwana wabyawe n'ababyeyi batashyingiranwe.

  1. Kanda kuri Saba.



  1. Uzuza Umwirondoro w’usaba serivisi; hitamo gukoresha nomero y’indangamuntu, nomero y’ifishi y’umwenegihugu, cyangwa nomero iranga abanyagihugu (NIN). Amakuru ahita agaragara ku ruhande rw’iburyo rwa paji.


Niba inyandiko yo kwemera umwana iri muri sisitemu ya CRVS, amakuru ajyanye n’inyandiko ahita agaragara. Usaba yakira inyandiko ye akimara kwishyura.


Niba inyandiko yo kwemera umwana wabyawe n'ababyeyi batashyingiranwe itari muri sisitemu yo kwiyandikisha mu baturage, usaba azakurikiza izi ntambwe zikurikira:



  1. Uzuza Umwirondoro w’undi mubyeyi.

ICYITONDERWA: Niba undi mubyeyi ahisemo gukoresha Pasiporo cyangwa Nta ndangamuntu iboneka, asabwa kwandika amakuru asabwa ahabigenewe.

  1. Uzuza Umwirondoro w'abatangabuhamya 2


  1. Hitamo ibiro bitunganya dosiye n’impamvu yo gusaba serivisi 

  2. Uzuza imigereka isabwa maze ukande Ibikurikira.


  1. Reba ko amakuru watanze ari yo, ushyiremo nomero ya telefone na/cyangwa imeyili (email), urebe kuri paji y’amakuru watanze, maze ukande kuri Emeza.


  1. Kode/nomero yo kwishyuriraho (88….) ihita yoherezwa kugira ngo wishyure. Usaba dosiye ashobora kwishyura akoresheje MTN Mobile Money cyangwa Airtel Money, App ya BK, amashami ya BK, aba ejenti ba BK, cyangwa akishyura mu buryo bw’ikoranabuhanga akoresheje ikarita ya VISA cyangwa MasterCard.


ICYITONDERWA: Nyuma yo gusaba no kwishyurira serivisi kuri IremboGov, na nyuma y’uko umukozi ushinzwe Irangamimerere ku murenge yabyemeje, usaba yoherezwa ubutumwa bugufi/imeyili bimumenyesha ko icyemezo cyabonetse ndetse ko yagikura ku rubuga IremboGov. Iyo dosiye itinze kuboneka, asabwa kugana ibiro by’umurenge asabiraho icyemezo.


Did you find it helpful? Yes No

Send feedback
Því miður gátum við ekki verið hjálpleg. Hjálpaðu okkur að bæta þessa grein með athugasemdum þínum.