Iyi serivisi yemerera usaba kubona amanota y’uruhushya rw’agateganyo, uruhushya rwa burundu, ndetse n’izindi mpushya zo gutwara akoresheje kode yo kwiyandikisha cyangwa indangamuntu ye. Iyi serivisi itangwa na Polisi y’Igihugu (RNP).
Igihe bitwara kubona amanota biterwa n’ubwoko bw’ikizamini cyakozwe, serivisi ni ubuntu.
Ibikenerwa:
Usaba agomba kuba afite:
kode yo kwiyandikisha yatanzwe mu butumwa bugufi (SMS) cyangwa imeyili nyuma yo kwiyandikisha ku gukora ikizamini cyo gutwara ibinyabiziga, cyangwa
Nomero y’indangamuntu
Kurikiza izi ntambwe zoroshye maze umenye amanota wabonye:
Sura www.irembo.gov.rw mu gice cya Polisi, kanda kuri amanota y’ikizamini cyo gutwara ibinyabiziga
Kanda kuri Saba.
Shyiramo kode yo kwiyandikisha cyangwa Indangamuntu. Umwirondoro w’usaba uhita ugaragara hamwe n’amanota.
Icyitonderwa: Iyo usaba atahawe kode yo kwiyandikisha cyangwa yayitaye, ashobora kuyibona akanze *909# hanyuma agakurikiza amabwiriza.
Urugero rwa 1: Niba ukoresheje indangamuntu, urutonde rwa kode zo kwiyandikisha zijyanye na yo ruzahita rugaragara (mu gihe ufite kode zirenze imwe), uhereye ku ya vuba kurusha izindi. Hitamo kode yo kwiyandikisha ushaka kugira ngo ubone ibisubizo.
Urugero rwa 2: Niba uhisemo gukoresha kode yo kwiyandikisha, hazagaragara gusa ibisubizo bifitanye isano n’iyo kode wahisemo.
ICYITONDERWA: Iyo usaba yatsinze ikizamini cyo gutwara ibinyabiziga, akomeza asaba kubona uruhushya rwo gutwara ibinyabiziga.