Iyi serivisi ifasha imiryango n'ibigo mu kwandikisha no kugabanyamo ibice bitandukanye bigize inyubako ikubiyemo inzu zo guturamo ziri mu nyubako cyangwa imitungo. Yoroshya igikorwa cyo guhinduramo inyubako ibice bitandukanye bigize inyubako ikubiyemo inzu zo guturamo, kugira ngo hanozwe igikorwa cyo kuzibarura no kuzigabanya. Iyo birangiye, abasaba baba bashobora kumanura ibyangombwa by'inzu ziri mu nyubako ikubiyemo inzu zitandukanye zo guturamo.
Iyi dosiye itunganywa mu minsi 8. Iyi serivisi ntiyishyurwa.
Ibisabwa:
Abasaba bagomba kuba bafite konti y’IremboGov kugira babashe gusaba iyi serivisi cyangwa bakegera umu agenti w’irembo ubegereye akabafasha.
Kanda hano kugira ubone uko wafungura konti y’Irembo.
Abasaba bagomba kuba bafire nomero y’indangamuntu nyarwanda n’iya pasiporo ku banyamahanga.
Abanyarwanda n’abanyamahanga bagomba kuba bafite UPI y’ubutaka
Abasaba bagomba kuba bafite nomero ya telefoni ikora na imeri cyangwa byombi.
Kurikiza izi ntambwe zikurikira ubashe gusaba kwandikisha no gucamo ibice inyubako ikubiyemo inzu zo guturamo
Sura www.irembo.gov.rw ukande kuri “Kwinjira” winjire muri konti yawe.
Mu gice cy’ “Ubutaka” , hitamo “Kwandikisha no gucamo ibice inyubako ikubiyemo inzu zo guturamo”.
Soma neza ibyerekeye iyi serivisi, nyuma ukande “Saba”.
Uzuza Amakuru y'usaba serivisi (nomero y'indangamuntu cyangwa pasiporo), nyuma imyirondoro ye ihita igaragara ku ruhande rw'iburyo rw'iyo paji. Hanyuma, wongereho nomero y'ubutaka (UPI) hamwe n'umubare w'amazu agize isangiramutungo(condominium units).
Hitamo umuhanga mu by’ubutaka ukwegereye,hanyuma ukande Ibikurikira.
Reba ko amakuru watanze ari yo, ushyiremo nomero ya telefone na/cyangwa imeyili (email) maze ukande kuri Ohereza.
Nyuma yo kohereza ubusabe bwawe,uhabwa nomero ya dosiye (B2) wakoresha ukurikirana aho dosiye yawe igeze.
Icyitonderwa:
Iyo umaze gutanga ubusabe bwawe binyuze ku IremboGov, uhabwa ubutumwa bugufi (SMS) cyangwa imeri ikumenyesha ko ubusabe bwemejwe. Iyo icyangombwa gishya cy’ubutaka cyavuguruwe cyasohotse, usaba serivisi ahabwa ubutumwa bugufi (SMS) maze akaba ashobora gukuramo icyangombwa cye gishya cy’ubutaka cy’ikoranabuhanga ku rubuga rwa NLA.