Iyi serivisi itangwa na Minisiteri y’Umutekano w’Imbere mu Gihugu (MININTER) ku bantu ku giti cyabo cyangwa ibigo bifuza gutumiza ibikoresho biturika (Intambi) bigenewe ibikorwa byo gucukura amabuye y’agaciro cyangwa gucukura amabuye mu birombe mu gihugu. Iyi serivisi igamije koroshya gutumiza ibikoresho biturika mu gihe hubahirizwa amategeko n’amabwiriza yose agenga ikoreshwa n’imicungire y’ibikoresho biturika.
Igihe cyo gutunganya ubusabe: iminsi 90
Igiciro cya serivisi: Ntiyishyurwa
Ibisabwa mbere yo gusaba
Abasaba bafite cyangwa badafite konti ya IremboGov bashobora gusaba iyi serivisi.
Amatsinda, ibigo, amashuri, n’imiryango ishingiye ku idini bigomba kuba bifite nomero ya TIN cyangwa nomero y’igazeti.
Usaba agomba kuba afite nomero ya telefoni ikora.
Inyandiko zisabwa (11)
Icyemezo cy’iyandikwa ry’ikigo (Company registration certificate)
Inyandiko isobanura mu buryo burambuye ubwoko bw’ibikoresho biturika bizatumizwa
Icyemezo cy’ubumenyi mu gukoresha ibikoresho biturika
Inyemezabwishyu y’ibikoresho biturika byishyuwe
Raporo y’isuzuma ry’ingaruka ku bidukikije (EIA)
Kopi y’icyemezo cy’umuntu ubifitiye ububasha bwo gukoresha ibikoresho biturika
Raporo y’imikoreshereze y’ibikoresho biturika biherutse gutumizwa
Gahunda yo gukoresha ibikoresho biturika (Blasting plan)
Kopi y’amasezerano n’umuntu ubifitiye ububasha bwo gukoresha ibikoresho biturika
Inyandiko isobanura uko ibikoresho biturika bizakoreshwa
Icyemezo cyerekana ko hari ibikoresho byo gupima umutingito uturuka ku iturika
Gahunda y’umutekano n’itumanaho ryo kurinda abaturage n’imitungo ikikije aho bikorwa
Inyandiko zisabwa bitewe n’ibikenewe (5)Uruhushya rwo gucukura amabuye y’agaciro
Amasezerano y’imirimo y’ubwubatsi
Uruhushya rwo gukorera mu birombe
Kurikiza izi ntambwe zoroshye zo gusaba uruhushya rwo kwinjiza intambi mu gihugu
Intambwe ya 1: Sura urubuga rwa IremboGov kuri www.irembo.gov.rw, hanyuma ukande kuri serivisi ya “Uruhushya rwo kwinjiza intambi mu gihugu” munsi y’icyiciro cya “Intambi N’ibishashi.”
Intambwe ya 2: Kanda “Saba” gutangira ubusaba
Intambwe ya 3: Shyiramo TIN yawe aho bashyira amakuru y’usaba
Intambwe ya 4: Injiza amakuru ajyanye n’ibikoresho biturika: andika izina ry’umugurisha, hanyuma uhitemo niba ari ubwa mbere utumiza ibi bikoresho.
Intambwe ya 5: Nyuma yo gukanda kuri “Ongeraho igikoresho cyo guturitsa intambi”, hazafunguka agace gashya (tab) ko kwandikamo amakuru usabwa. Kanda kuri “Ongeraho igikoresho cyo guturitsa intambi.”
Intambwe ya 6: Tanga amakuru y’aho guturitsa rizabera, izina ry’aho rikorerwa, itariki yo guturitsa, n’igihe bizamara.
Intambwe ya 7: Ongeraho (upload) inyandiko zishyigikira ubusabe mu buryo (format) bukwiye, hanyuma ukande kuri Ibikurikira kugira ngo ukomeze.
Intambwe ya 8: Emeza ko amakuru yose winjije ari yo, hanyuma shyira akamenyetso mu kazu ko kwemeza (confirmation box) maze ukande kuri “ohereza.”
Intambwe ya 9: Uzahabwa nomero y’ubusabe (B2...) binyuze kuri SMS cyangwa imeyili kugira ngo ubashe gukurikirana aho ubusabe bwawe bugeze.
Nyuma yo kohereza ubusabe n’inyandiko zishyigikira, uzahabwa SMS na/cyangwa imeyili byemeza ko ubusabe bwawe bwakiriwe.
Iyo Minisiteri y’Umutekano w’Imbere mu Gihugu (MININTER) imaze kwakira no kwemeza ubusabe bwawe, uzamenyeshwa kandi ushobora gukuramo uruhushya (permit) rwawe kuri IremboGov.