Iyi serivisi yemerera amasosiyete akora filime n’abantu ku giti cyabo, baba Abanyarwanda cyangwa abanyamahanga, gufatira amashusho ahantu hahurira abantu benshi (mu ruhame) ku nyandiko mbarankuru (documentaries) no ku mafilime y’inkuru mpimbano (fiction films).
Icyemezo gitangwa ntikivanaho kubahiriza ibisabwa n’inzego z’ibanze igihe bisabwe aho bafatira amashusho, harimo nko kubona uburenganzira bwo gukoresha drone n’ibindi bikoresho byihariye.
iyi serivisi itangwa na Minisiteri y’Urubyiruko n’Iterambere ry’ubuhanzi (MOYA).
Gutunganya ubusabe bifata iminsi 4, kandi igiciro giterwa n’ubwenegihugu bw’usaba.
Ibisabwa mbere:
- Usaba ashobora gusaba iyi serivisi afite cyangwa adafite konti ya Irembo.
- Kanda hano umenye uko wafungura konti kuri IremboGov.
- Abanyarwanda bagomba kuba bafite indangamuntu y’u Rwanda.
- Abanyamahanga bagomba kuba bafite nomero ya pasiporo.
- Inyandiko zisabwa zishobora guhinduka bitewe n’ubwenegihugu bw’usaba.
Kurikiza izi ntambwe zoroshye usaba uruhushya rwo gufata amafoto n’amashusho:
Jya ku rubuga www.irembo.gov.rw, hanyuma ujye mu cyiciro cya “Itangazamakuru N’imibereho myiza y’Abaturage”, ukande kuri Gusaba uburenganzira bwo gufata amafoto n’amashusho.
2. Kanda kuri Saba.
3.Uzuza amakuru y’usaba, amakuru ye azahita aboneka kandi agaragazwe ku ruhande rw’iburyo rw’urubuga. (* bivuze ko amakuru agomba kuzuzwa byanze bikunze).
4. Ohereza (upload) inyandiko zisabwa, hanyuma ukande kuri “Ibikurikira” ukomeze.
5. Emeza ko amakuru watanze ari yo, andika nomero ya telefoni na/ cyangwa imeyili, shyira akamenyetso mu gasanduku ko kwemeza (verification box), hanyuma ukande kuri “Ohereza”.
6. Uzahabwa nomero yo kwishyuriraho (itangizwa na 88….). Kanda kuri “Ishyura”.
7.Hitamo uburyo bwo kwishyura. Ukeneye ibisobanuro birambuye ku buryo bwo kwishyura, kanda hano
ICYITONDERWA: Nyuma yo gusaba no kwishyura neza binyuze kuri IremboGov, usaba ategereza ubutumwa bumusubiza buvuye muri Minisiteri y’Urubyiruko n’iterambere ry’Ubuhanzi (MOYA) bwerekeye ubusabe bwe. Icyemezo kimaze kuboneka, ashobora kugikuramo (download) kuri IremboGov.