Iyi serivisi igenewe abantu bashaka gusaba kubona dosiye zibitse by’umwihariko zijyanye n’imanza za Gacaca. Itangwa na MINUBUMWE.
Igihe cyo gusuzuma dosiye ni iminsi 30, Igiciro giterwa n’imiterere y’ubusabe.
Ibisabwa mbere yo gusaba:
Abasaba bafite cyangwa badafite konti ya Irembo bashobora gusaba iyi serivisi.
Kanda hano urebe uko wafungura konti ya IremboGov.
Usaba agomba kuba afite Indangamuntu y’u Rwanda, Indangamuntu y’impunzi, Indangamuntu y’umunyamahanga, cyangwa pasiporo.
Usaba agomba kugira nomero ya telefoni ikora, imeyili, cyangwa byombi.
Inyandiko zisabwa
Ibaruwa isaba
Inyandiko zisabwa bitewe n’ibikenewe:
Amasezerano
Kopi ya pasiporo
Inyandiko z’inyongera zitari itegeko:
Izindi nyandiko zishyigikira ubusabe
Kurikiza izi ntambwe zoroshye zo gusaba dosiye ifunze ijyanye n’urubanza rwa Gacaca:
Jya kuri www.irembo.gov.rw Mu cyiciro cya “Ubutabera”, kanda kuri “Gusaba Inyandiko y’urubanza rwaciwe n’urukiko Gacaca”
Kanda kuri “Saba”.
Injira mu gice cy’amakuru y’usaba, uhitamo ubwoko bw’usaba (umuntu ku giti cye, umwunganizi mu mategeko, cyangwa umuhesha w’inkiko).Komeza wuzuze amakuru y’indangamuntu, impamvu y’ubusabe, n’amakuru yo kukugeraho.
Ongeramo kandi aderesi yawe.
Mu gice gikurikira, uzuzuza amakuru y’abarebwa n’uru rubanza. Shyiramo amazina yose, amazina ya se na nyina, itariki y’amavuko, n’aderesi by’uregwa n’urega.
Ongeramo amakuru ajyanye n’umwanzuro w’urubanza, arimo itariki urubanza rwaciwe n’aho rwaciriwe.
Ohereza inyandiko zisabwa na/cyangwa izindi nyandiko zishyigikira, hanyuma ukande “Ibikurikira.”
Genzura neza ko amakuru watanze ari yo kandi yuzuye, winjize nomero ya telefoni na imeyili, ushyire akamenyetso mu gasanduku ko kwemeza (verification box) hanyuma ukande “Ohereza.”
Uzahabwa nomero y’ubusabe izagufasha gukurikirana aho dosiye yawe igeze.
Nyuma yo kohereza ubusabe, dosiye yawe izatunganywa n’umukozi wa MINUBUMWE. Uzahabwa imeyili cyangwa SMS ikumenyesha impinduka zose ku miterere y’ubusabe bwawe.
Ubusabe bwawe nibumara kwemezwa, uzakoresha nomero yo kwishyuriraho wishyure serivisi ukoresheje uburyo bukunogeye buboneka mu gice cya “Uburyo bwo kwishyura.”
Nyuma yo kwishyura, inyandiko zawe zizahita ziboneka kugira ngo uzikurure (download).