Minisiteri y’Ubumwe bw’Abanyarwanda n’Inshingano Mboneragihugu (MINUBUMWE) yashyizeho serivisi ifasha Abanyarwanda n’abanyamahanga gusura inzibutso za Jenoside hirya no hino mu gihugu. Iyi serivisi igamije gutanga amahirwe yo kwiga amateka no guha icyubahiro abazize Jenoside yakorewe Abatutsi mu 1994 mu Rwanda.
Icyitonderwa: Si inzibutso zose ziboneka kuri iyi serivisi.
Dore ibibazo bikunze kubazwa:
1. Ese ni ngombwa kugira konti y’Irembo kugira ngo usabe iyi serivisi?
Abasaba bashobora gusaba iyi serivisi bafite cyangwa badafite konti ya Irembo.
2. Nafungura nte konti y’Irembo?
Kanda hano kugira ngo umenye uko wafungura konti.
3. Ese hari amafaranga yishyurwa gusura inzibutso za Jenoside?
Oya, iyi serivisi ni ubuntu.
4. Ni izihe nyandiko z’indangamuntu zisabwa kuri iyi serivisi?
Abanyarwanda: Indangamuntu yemewe
Abanyamahanga baba mu Rwanda: Indangamuntu y’abanyamahanga
Abaturuka mu bihugu bya EAC cyangwa CEPGL: Pasiporo ifite agaciro
5. Ni ryari nsabwa gutanga ubusabe mbere yo gusura?
Ugomba gusaba nibura iminsi 2 mbere y’itariki uteganya gusuriraho.
6. Ese nshobora gusura inzibutso nyinshi nkoresheje ubusabe bumwe?
Oya, ugomba gutanga ubusabe butandukanye kuri buri rwibutso wifuza gusura.
7. Bifata igihe kingana iki kugira ngo ubusabe butunganywe?
Igihe cyo gutunganya ubusabe ni iminsi 2.