Iyi serivisi yorohereza ibigo by'ubucuruzi byanditswe kubona amabaruwa ahamya mu gusonerwa umusoro ku nyongeragaciro ku bicuruzwa byabyo bikomoka ku buhinzi n'amatungo. Aya mabaruwa yemeza ko ibi bicuruzwa byemerewe gusonerwa umusoro ku nyongeragaciro kandi akifashishwa nk'inyandiko zishimangira mu gusaba gusonerwa umusoro ku nyongeragaciro zituruka ku bayobozi bireba. Iyi serivisi itangwa na minisiteri y'ubuhinzi n'ubworozi ( MINAGRI).
Igihe cyo gutunganya iyi dosiye ni iminsi 3, kandi serivisi itangwa ku buntu.
Ibisabwa
Abasaba bafite cyangwa badafite konti ya IremboGov bashobora gusaba iyi serivisi.
Urutonde rw'ibicuruzwa byemerewe gusonerwa umusoro ku nyongeragaciro rushobora gukurwa ku rubuga IremboGov.
Imigereka isabwa (2)
Inyemezabwishyu z' ibicuruzwa byinjijwe mu gihugu
Icyemezo kemejwe cy'usaba(Ingero: Icyemezo cya RDB / Icyemezo cyo kwandikisha sosiyete yo mu gihugu)
Imigereka y'ubushake
Indi nyandiko ishimangira
Kurikiza aya mabwiriza kugira ngo usabe ibaruwa ihamya yo gusonerwa umusoro ku nyongeragaciro
1. Sura urubuga Irembo kuri www.irembo.gov.rw munsi y'ahanditse ''Ubuhinzi.'' Kanda kuri ''Ibaruwa ihamya mu gusonerwa umusoro ku nyongeragaciro.''
2. Soma witonze amakuru asobanura serivisi maze ukande kuri buto yanditseho ''Saba'' kugira ngo utangire dosiye yawe.
3. Uzuzamo amakuru y'usaba (icyiciro cy'usaba, icyiciro cy'igicuruzwa, kandi usobanure icyiciro cyawe).
Icyitonderwa: Mu gihe wuzuzamo amakuru y'igicuruzwa kandi ugakanda kuri '' Ongeraho Amakuru,'' akadirishya gashya kazagaragara.
4. Shyiramo izina ry'igicuruzwa, nomero y'inyemezabwishyu, izina ry'igicuruzwa ku rutonde, na nomero y'urupapuro, hanyuma ukande, ''Ongeraho igicuruzwa.''
5. Zamura imigereka isabwa mu ngano nyayo maze ukande Ibikurikira.
6. Genzura niba amakuru ari ukuri, shyiramo nomero ya telefoni na/cyangwa imeyili, kanda ku kadirishya ko kwemeza, maze ukande Ohereza.
7. Nomero ya dosiye (B2......) kugira ngo ugenzure aho dosiye yawe igeze.
Dosiye yawe niyemezwa, uzakira ibaruwa ihamya mu gusonerwa umusoro ku nyongeragaciro binyuze kuri imeyili. Iyi baruwa yemeza ko ibicuruzwa byawe bitumizwa mu mahanga byemerewe gusonerwa umusoro ku nyungu kandi ishobora kwifashishwa mu gusaba gusonerwa umusoro ku nyongeragaciro bikozwe n'abayobozi bireba.