Iyi serivisi igamije gufasha abantu baba bakeneye gukora ingendo mu gihe cy'umuganda, kubera impamvu nk'imirimo y'ishyingura, inama zihutirwa, kwibuka Jenoside yakorewe Abatutsi cyangwa izindi mpamvu zihutirwa. Iyi serivisi itangwa na minisiteri y'ubutegetsi bw'igihugu (MINALOC).
Igihe cyo gutunganya dosiye ni umunsi 1 w'akazi, kandi serivisi ntiyishyuzwa.
Ibisabwa:
- Abasaba bafite cyangwa badafite konti ya Irembo bashobora gusaba iyi serivisi.
-Abasaba bagomba kuba bafite indangamuntu (ku banyarwanda) cyangwa pasiporo (ku banyamahanga).
- Amatsinda n'ibigo by'ubucuruzi bigomba kuba bifite izina ry'itsinda/ikigo cyabo na nomero ya TIN.
-Abasaba bagomba kuba bafite nomero ya telefoni ikora.
- Umugereka usabwa ushobora kuba ari inyandiko ishyigikira ubusabe.
Kurikiza izi ntambwe zoroshye kugira ngo usabe uruhushya rwo gukora ingendo mu gihe cy'umuganda.
Intambwe ya 1: Gana ku rubuga rw'Irembo kuri www.irembo.gov.rw maze ukande kuri serivisi yo "Gusaba uruhushya rwo gukora ingendo mu gihe cy'umuganda" munsi ya Ubutegetsi bw'igihugu.
Intambwe ya 2:Kanda "Saba" kugira ngo utangire dosiye.
Intambwe ya 3: Andika amakuru y'usaba (hitamo ubwenegihugu bwawe nk'umunyarwanda cyangwa umunyamahanga, ku banyarwanda, ku banyamahanga, andika nomero ya pasiporo, ubwenegihugu, izina ry'idini n'iry'umuryango, impamvu y’urugendo n’ibindi.
Intambwe ya 4: Shyiraho imigereka y'inyandiko zisabwa ziri mu buryo bukwiriye (nk'inyandiko z'ibitaro n'iz'urupfu), hanyuma ukande kuri Ibikurikira.
Intambwe ya 5: Reba neza ko amakuru yose yatanzwe ari ukuri, maze ukande ku kadirishya ko kwemeza hanyuma ukande "Ohereza."
Intambwe ya 6: Uzakira nomero ya dosiye (B2......) mu butumwa bugufi/imeyili kugira ngo ujye ubasha kuyikurikirana.
Nyuma yo kohereza dosiye yawe ndetse n'inyandiko zisabwa, uzabona ubutumwa bugufi (SMS) cyangwa imeyili bibyemeza. Nyuma y'uko ibiro bishinzwe gutunganya dosiye byemeje dosiye yawe, uzahabwa icyemezo cyo mu buryo bw'ikoranabuhanga kuri imeyili cyangwa ukimanure unyuze ku Irembo.